Við sem stöndum á bakvið Mótun heitum Björn og Magnús. Mótun er byggt upp úr traustum grunni áralangs samstarfs. Við höfum undanfarinn áratug unnið með teymi og liðsheildir – stórar sem smáar. Við höfum skipulagt viðburði og verkefni í öllum regnbogans litum og hafa djúpstæða þekkingu í bakpoka reynslunnar í gegnum nám, leik og starf.
Við trúum því að enginn hópur sé eins. Hver hópur hefur sína eigin dýnamík og þarf að kanna bakgrunn hans vel áður en farið er af stað í að skipuleggja uppbrot af einhverju tagi. Þegar við höfum öðlast upplýsingar um hópinn þá hefjumst við handa við að klæðskerasauma dagskrá sem hentar viðkomandi starfssstað. Þar gætum við þess að byggja upp dagskrá sem hentar öllum einstaklingum innan hópsins – óháð aldri og líkamlegu atgervi. Þar reynir bæði á huga og hönd.
Björn á LinkedIn
